Макрон бара ЕУ да не прима нови членки додека не се спроведат реформи

17 април, 2018 | 14:36 часот | 307 прикажувања |

Францускиот претседател Емануел Макрон денеска изјави дека Европската Унија не треба да прима нови членки додека интеграцијата не се продлабочи и не бидат спроведени реформи.

Во говор во Европскиот парламент, Макрон нагласи дека „сака да бидат примени државите од Западен Балкан во европскиот проект, но дека времето за нивното членство сè уште не е дојдено“.

„Ќе поддржам проширување само кога прво ќе има продлабочување на интеграцијата и реформи во нашата Европа“, потенцираше Макрон.

Тој додаде дека не сака Балканот да се сврти кон Русија или Турција, „но не сака ниту Европа која во услови на тешко функционирање со 28, а утре со 27 членки, да биде со 30 или 32 држави со истите правила“.

Лидерите од ЕУ и Западен Балкан ќе имаат самит на 17 мај во Софија за да се разгледа иднината на регионот.