МВР со демант: Неточна е информацијата дека било поставено албанско знаме на „Богородица“

18 март, 2018 | 12:20 часот | 683 прикажувања |

Минстерството за внатрешни работи вели дека се фотомонтажа фотографиите објавени во медиуми за поставено албанско знаме на граничкиот премин „Богородица“.

„Целосно неточни и невистинити се информациите и фотомонтажите објавени во неколку веб портали дека на граничниот премин Богородица е поставено знамето на Република Албанија. Таков случај не е пријавен во МВР. Веднаш после објавувањето на овие невистинити информации беше извршена проверка на посоченото место на граничниот премин Богородица и констатирано е дека таков случај не постои“, демантираат од МВР.