ЈП „Паркови и зеленило“ со свој придонес во „Денови на пролетта – Денови на екологијата“

16 март, 2018 | 15:24 часот | 338 прикажувања |

Од ЈП „Паркови и зеленило“ при Град Скопје информираат дека се вклучиле со свој придонес во реализација на проектот „Денови на пролетта – Денови на екологијата“ во организација на Град Скопје, а во соработка со ЈП „Комунална хигиена“, Пакомак и UNDP.

Претпријатието обезбеди 23 дрвени тезги-штандови за презентирање на експонатите изработени од рецилкиран материјал од страна на изложувачите. Тезгите се поставени околу бината Школка, каде на 19 март ќе се изведе пригодна програма, со цел подигнување на јавната свест за зачувување на животната средина и сепарирање и рециклирање на отпадот.

Традиционално, претпријатието обезбеди сто цвеќиња од видот виола, кои ќе бидат насадени во близина на бината од страна на членовите на Здружението на лица со интелектуална попреченост „ПОРАКА“.
ЈП „Паркови и зеленило“, како претпријатие чија основна дејност е одржување и грижа за зеленилото во Град Скопје, секогаш е отворено за поддршка и вклучување во настани и акции за заштита и унапредување на животната средина и подигнување на свеста на граѓаните за истата.