СДСМ: Ги осудуваме нападите кон претседателот на ЗНМ Селмани

11 март, 2018 | 17:33 часот | 538 прикажувања |

Од Социјадемократкиот сојуз на Македонија соопштија дека осудуваат секаков вид на говор на омраза, навреда или понижувања врз кој било граѓанин на Република Македонија.

„СДСМ ги осудува нападите врз новинарската фела и нападите кон претседателот на Здружението на новинари на Македонија, Насер Селмани. Новинарите имаат значајна улога во градењето и унапредувањето на демократските процеси и оттаму, нападот врз новинарите е напад врз слободата на говор и демократските вредности“, велат од партијата во соопштението до јавноста.

Посочуваат дека јавните личности мора да бидат внимателни во своето однесување и јавни настапи, и да имаат предвид дека од тоа како се однесуваат јавните личности зависи и мислењето за граѓаните за нив, по тоа ги проценуваат и вреднуваат.