Развиорено македонското знаме во Пјонгчанг

9 февруари, 2018 | 14:55 часот | 3.084 прикажувања |

Ставре Јада, еден од тројцата македонски олимпијци кои ја претставуваат Македонија на Зимските олимписки игри (ЗОИ) кои се отворени денеска во Пјонгчанг, го развиори македонското знаме на свеченото дефиле.

Македонија на Игрите во Пјонгјанг ќе ја претставуваат тројца спортисти. Ставре Јада, Антонио Ристевски и Викторија Тодоровска се спортистите во црвено-жолто кои ја бранат честа на нашиот спорт на ЗОИ.

„Не можеме да ја скриеме возбудата од учеството на најголемиот спортски настан. Веруваме дека нема да ја разочараме Македонија, а искрено од срце ќе се обидеме достоинствено да ја браниме македонската спортска чест“, вели Ставре Јада, кој со штотуку наполнети 18 години беше знаменосец на церемонијата на свеченото отворање.