Јункер на 25 февруари пристигнува во Македонија

8 февруари, 2018 | 12:32 часот | 864 прикажувања |

Претседателот на Европската комисија, Жан Клод Јункер, на 25 февруари ќе ја посети Република Македонија како прва земја од неговата турнеја низ државите од Западен Балкан во насока на презентација на Стратегијата на ЕУ за регионот. Ова денеска на прес-конференција го најави вицепремиерот за европски прашања, Бујар Османи на која беше презентирана и длабинска анализа на пораките и содржините во Стратегијата на ЕУ за Западен Балкан објавена завчера во Стразбур.

Тој презентираше анализа на пораките и содржините а Стратегијата на ЕУ за Западен Балкан објавена пред два дена во Стразбур.

За имплементација на Стратегијата предвидена е и значителна финансиска поддршка. Само во 2018 година треба да се алоцираат една милијарда евра кои треба да го помогнат процесот на трансформација на општествата на земјите од Западен Балкан. За таа цел, во март ЕК на состанок ќе ја утврди динамиката и распределбата на средствата за секоја од земјите кандидати.