Хан на средба со Вучиќ и Брнабиќ

7 февруари, 2018 | 8:50 часот | 483 прикажувања |

Српскиот претседател Александар Вучиќ денеска во Белград ќе има средба со европскиот комесар за преговори за проширување и соседска политика Јоханес Хан

Според српски медиуми,  на средбата ќе бидат потпишани два документа: Финансиски договор за секторско-буџетска поддршка за интегрирано управување со границата, односно Договор за донација меѓу ЕУ и Србија за помош во решвање на мигрантската криза.

Хан денеска во Белград ќе има средба и со премиерката на Србија Ана Брнабиќ.

Хан доаѓа во Србија, еден ден откако во Стразбур беше претставена Стратегијата на ЕУ за Западен балкан, во која беа дадени насоки на Србија за тоа кога и под кои услови би можела да биде примена во Унијата. Во Стратегијата се наведува дека Србија може да стане членка на ЕУ во 2025 година, доколку ги исполни сите услови, вклучувајќи го и правно обврзувачкото нормализирање на односите со Косово.