Мицкоски во Брисел на средби со Хан, Могерини и Дол

29 јануари, 2018 | 10:53 часот | 541 прикажувања |

Претседателот на ВМРО-ДПМНЕ, Христијан Мицкоски во прва работна посета на највисоко ниво во Брисел.

Мицкоски заедно со потпретседателот на ВМРО-ДПМНЕ, Александар Николоски и членот на Извршниот комитет Влатко Ѓорчев, ќе остварат голем број на средби со високи претставници на Европската Унија, како и со претставници на Европската народна партија, во која членува и ВМРО-ДПМНЕ.

Во текот на денешниот ден се очекува делегацијата на ВМРО-ДПМНЕ да ја започне својата агенда на средба со комесарот за проширување на ЕУ, Јоханес Хан.

Исто така, за денес се предвидени и официјални средби со пратениците во Европскиот парламент-Андреј Ковачев, Пол Рубиг и германскиот пратеник Кнут Фленкештајн.

Мицкоски денес ќе има и средба со високата претставничка за надворешна политика и безбедност во Европската унија, Федерика Могерини, како и со Претседателот на европскиот парламент Жозеф Дол.

Вториот ден од официјалната посета, делегацијата на ВМРО-ДПМНЕ ќе оствари средби и со европратениците Иво Вајгл, Едвард Кукан, како и со големите подджувачи на Македонија, пратениците Марија Петир и Алојз Петерле.

Ваквата работна посета на Мицкоски во Брисел преставува легитимирање на новото раководство на ВМРО-ДПМНЕ пред Европската комисија и Европскиот парламент.