Опра Винфри нема голема поддршка за кандидатурата за претседател на САД

13 јануари, 2018 | 10:54 часот | 603 прикажувања |

Американците не сакаат ТВ водителката Опра Винфри да се кандидира за претседател на САД. Ова го покажуваат податоците од новата анкета на институтот „Марист Пол”, јави АФП.

Само 35% од анкетираните 1.350 лица сакаат Опра да се кандидира на изборите во 2020 година.

Сепак, ако Опра биде еден од кандидатите, тогаш, според анкетата, 50% од Американците се подготвени да гласаат за неа наспроти 39% кои би гласале за Доналд Трамп, во случај тој да се бори против неа.