Роберт Просинечки нов селектор на фудбалската репрезентација на БиХ

4 јануари, 2018 | 15:50 часот | 507 прикажувања |

Хрватскиот стратег Роберт Просинечки е нов селектор на фудбалската репрезентација на Босна и Херцеговина.

Просинечки доби поддршка од членовите на Извршниот одбор на фудбалскиот сојуз на БиХ пред неговиот противкандидат Амар Осим.

Хрватот на клупата на Босна ќе го наследи Мехмед Баждаревиќ, а пред себе ќе има главна цел да ја однесе репрезентацијата на следното европско првенство.