Осум полесно повредени во 11 сообраќајки во Скопје

3 јануари, 2018 | 10:54 часот | 567 прикажувања |

Во текот на вчерашниот ден на подрачјето на град Скопје се случиле 11 сообраќајни незгоди, од кои три со телесни повреди и осум со материјална штета, информираат од полицијата.

При сообраќајните незгоди осум лица добиле лесни телесни повреди.

Единаесет возачи биле исклучени од сообраќај бидејќи еден го управувал возилото под дејство на алкохол, а другите десетмина управувале возило без возачка дозвола. Двајца возачи биле санкционирани бидејќи еден поминал крстосницата на црвено светло, а другиот не дал првенство на минување пешаци.

Во текот на вчерашниот ден затекнати биле 88 непрописно паркирани возила, а 85 биле отстранети од страна на пајак-службата.