Прилепчани „оперирале“ во повеќе битолски села

19 декември, 2017 | 12:41 часот | 261 прикажувања |

Секторот за внатрешни работи Битола поднесе кривична пријава против С.А. (27), С.А. (27) и В.К.(37), сите од Прилеп, поради постоење основи на сомнение за сторени девет кривични дела „тешка кражба“ и едно кривично дело „тешка кражба“ во обид.

С.А., С.А. и В.К. во 10 наврати, во периодот од 07.08. до 02.11.2017 година, извршиле тешки кражби во цркви во селата Агларци, Далбеговци, Дедебалци, Беранци, Лознани, Новоселани, Вашарејца, Трап и Новаци на подрачјето на општините Битола, Новаци и Могила.

Тројцата пријавени, кражбите ги вршеле групно. Со употреба на сила и погоден алат ги кршеле катанците, ги отворале влезните врати од црквите и влегувале внатре. Тие, во црквите најчесто одземале пари, но и бакарни предмети кои се користат за крштевање, продолжни кабли, златни ланчиња и друго. Со овие дејствија, пријавените предизвикале вкупна материјална штета од 126.000 денари.