Воскопулос: Во Грција нема ни 1cm2 земја што се вика „Република Македонија“

18 декември, 2017 | 22:24 часот | 45.045 прикажувања |

После 1991 година и распадот на Југославија, Македонија направи идеално решение, дури да се убедат – амортизираат грчките опсесии, пишува во фејсбук статус Павлос Воскопулос Филипов, македонски активист за човекови права во Грција.

Конкретно народот и влста почитувајќи го грчкиот „страв“ или грчките резерви околу употребувањето на терминот „Македонија“ (има регион во северна Грција што го носи името…) реши-одлучи, името на оваа поранешна федеративна компонента „Социјалистичка Република Македонија“ во рамките на Југославија, да се вика како млада независна држава НЕ „Македонија“ туку „Република Македонија“. Власта и граѓаните одбрале идеален префикс „Република“ или „Republic of“ (на англиски-меѓународно) за да се диференцира и разликува од регионот во северна Грција. Уште подетално, нема ни 1cm2 земја во Грција што се вика „Република Македонија“. Затоа нема ни минимум причини за „конфузии“ со употребувањето на името на државата “Republic of Macedonia”. Точка.

Ние Македонците припадниците на македонското национално малцинство во Грција, жалиме што Грција имплементира деструктивна, антиевропска, антизападна политика по повод „темата“ и против добрососедските односи на државите во регионот.

Ја покануваме Грција да си ја поправи оваа негативна позиција-политика за доброто на регионот и пошироко.

One comment on “Воскопулос: Во Грција нема ни 1cm2 земја што се вика „Република Македонија“

Comments are closed.