Вардар го совлада Шкупи и закажа дуел со Шкендија

17 декември, 2017 | 18:15 часот | 633 прикажувања |

Тимот на Вардар го победи Шкупи со 2:0 во реванш натпреварот од осминафиналето од Купот на Македонија и со вкупен резултат 3:1 се пласираше во ¼ финалето.

Во следната фаза од ова натпреварување Вардар закажа средба со нивниот најголем ривал Шкендија. Многумина сметаат дека победникот од овој двобој ќе биде и шампионот на Купот на Македонија.

Головите за Вардар ги постигнаа Бобан Николов во 64. минута и Максим Максимов кој ја затресе мрежата на Бериша во 82. минута.