Скопјани се степале во градска кафеана

17 декември, 2017 | 13:04 часот | 436 прикажувања |

Група скопјани рано изутринава предизвикале тепачка во скопска кафеана, поради несогласување со персоналот.

Имено од МВР известуваат дека во 02 часот и 15 минути, 27- годишниот Б.Р од Скопје пријавил дека истиот ден околу 01 часот и 30 минути во угостителски објект на улица „Црвена скопска општина“ во Скопје физички бил нападнат од непознато лице.

Б.Р. со неговите другари З.П. и Д.М. биле во објектот и во еден момент настанало несогласување со персоналот околу плаќање на сметка се вели во соопштението.

Притоа, непознато лице почнало да го влече до влезната вратата на локалот и го удрило со тупаница во главата.

Се преземаат мерки за целосно расчистување на случајот.