Охриѓани спортуваа во знак на поддршка на Јане Велковски

10 декември, 2017 | 18:54 часот | 439 прикажувања |

Спортската сала „Билјанини извори“ денеска беше центар на големиот хуманитарен настан „Сите играме за Јане“, кој беше масовно посетен од страна на охриѓани. На настанот се играше ракомет и фудбал во знак на поддршка на малиот Јане Велковски кој има ретка болест – спинална мускулна атрофија.

Својата поддршка за Јане ја дадоа бројни јавни личности меѓу кои и актуелниот градоначалник Јован Стојаноски, поранешниот прв човек на градот Никола Бакрачески, директори на јавни претпријатија, поранешни и сегашни советници, пратеници, спортисти и останати општественици.

Инаку, Јане на денешниот настан беше голман и бранеше за екипата на „Топ Тим“.