Судски рочишта за предметите „Тотал“ и „Транспортер“

30 мај, 2018 | 8:24 часот | 786 прикажувања |

Денес во Кривичниот суд треба да се одржат судски рочишта за случаите „Тотал“ и „Транспортер“ на Специјалното јавно обвинителство 

Во „Тотал“ обвинет е новинарот Драган Павловиќ-Латас, за затајување на данок во висина од 121.414 евра преку правните лица „Тотал“ маркетинг” ДООЕЛ, „ „Тотал“медија центар” и „Медијамакс” и 63.032 евра како физичко лице.

По неколку одложувања поради здравствени и семејни причини на Драган Павловиќ-Латас, судењето за случајот започна на 14 мај.

На обвинителна клупа денеска,  треба да седнат и обвинетите во предметот на СЈО „Транспортер“. Поранешниот битолски градоначалник Владимир Талески и уште 20-тина лица во овој случај се товарат за злоупотреба на службената положба во врска со организирањето превоз на ученици во Битола, со што е направена проневера на околу 360.000 евра.