ВМРО – ДПМНЕ најави огромен народен протест на 2 јуни пред Владата на Република Македонија

16 мај, 2018 | 11:12 часот | 128 прикажувања |

По завршувањето на седницата на Централниот Комитет на ВМРО – ДПМНЕ, лидерот Христијан Мицковски ги покани граѓаните на голем сенароден протест.

„Оваа трета генерација политичари на ВМРО-ДПМНЕ учеше од првата генерација, растеше со втората генерација и како основна цел и задача си постави да ги порази остатоците од транзицијата, а тој пораз ќе започне со организирање на еден огромен народен протест кој што ќе се случи на 2-ри Јуни во 20 часот пред Владата на Република Македонија. Ја користам оваа прилика да ги поканам сите оние добронамерници сите оние обесправени, сите оние разочарани, сите оние излажани од страна на Зоран Заев и политичарите околу Зоран Заев. Ги поканувам да ни се придружат да застанат рамо до рамо со нас, да тргнеме во офанзива, да тргнеме во оваа битка и конечно да ја поразиме оваа ненародна влада која што и се случува на нашата татковина.“ – изјави Мицковски